Gjykata e Lezhës ka dhënë masën e sigurisë “Arrest ne burg”, për kreun e Njësisë Administrative Kallmet, Besnik Simoni dhe 41-vjeçarin Altin Marku.
Gazeta Shqiptare mëson se seanca u zhvillua me Spitalin e Traumës në Tiranë ku po marrin mjekim, për shkak të plagëve të marra nga përplasja me armë ditën e premte në fshatin Kallmet.
Nga ana e tij, gjyqtari Artan Hajredinaj pranoi kërkesën e prokrurorit Françesk Ganaj që ata të qëndrojnë në burg.
Mes kreut të Njesise Administrative, Besnik Simoni dhe 41-vjeçarit ka pasur shkëmbim zjarri jashtë zyrës së zyrtarit.
Burimet nga policia informuan se Besnik Simoni është arrestuar në Spitalin e Traumës në Tiranë, ku ndodhet nën kujdesin e mjekëve. Në ngjarje janë përdorur dy armë, por deri tani është gjetur vetëm njëra prej tyre.
41-vjeçari Altin Marku u gjet i plagosur me një plagë në krah që ishte shkaktuar me armë zjarri dhe u dërgua drejt Spitalit Rajonal të Lezhës e më pas në Spitalin e Traumës në Tiranë.
Në dëshmitë e para, ka deklaruar se “se kreu i Njësisë Administrative të Kallmetit, Besnik Simoni, ka qenë i pari që ka qëlluar me armë zjarri e më pas ky i është përgjigjur”.